Ова мало, разиграно кутре има голем потенцијал да внесе позитивна енергија каде и да му најдеш место за празниците. Супер е и како подарок за личноста во твојот живот што обожава кутриња.
Златниот ирвас не само што одлично се вклопува во новогодишните декорации, можеш да си го користиш низ целата година. Френкли предлози – најди му место негде на полицата за книги, на масичката до кревет, покрај телевизор…
Декоративната свеќа во облик на камен отсликува кул карактер и необичност и освен за свој кеф, супер е и како подарок за разни пригоди (роденден, вселување во нов дом, нова година, 8ми март) за посебните луѓе во твојот живот (омилента другарка, професорка, твојата бфф или бест фризерка форевр, другарка ти од пилатес, и слично).
Кога гори свеќата, нејзиниот неправилен облик не му дозволува на стопениот восок да се задржи во средина како кај обичните свеќи, туку го усмерува восокот да тече по свеќата, па за да си ги заштитите површините по дома, бидете сигурни да има некаква подлога под свеќата.
Уште една варијанта на помала елка која освен што е топ за помали простори и за посуптилните меѓу нас, одговара и ако сакаш да појачаш со празничниот вајб по дома (супер ке стои во кујна, до телевизор, во ходник, на скали, во канцеларија, слично).
Оценки и коментари
Сѐ уште нема коментари